Promoja e programacionit të këtij sezoni në Tv “Klan”, konfirmoi mungesën e moderatores Nevina Shtylla në emisionin “Jo vetëm Modë”.
Pak ditë më parë, mediat shkruanin se moderatorja ishte parë pranë ambienteve të këtij televizioni, pasi po tenton të nënshkruajë një kontratë për të sjellë një projekt të ri.
Por ndërkohë që Nevina po punon për të sjellë këtë projekt, ajo ka lënë të lirë vendin e saj në “Jo vetëm Modë”, që thuhet se do të zihet nga një tjetër moderatore e njohur.
Burime për Gazeta Express bëjnë të ditur se do të jetë pikërisht Orinda Huta moderatorja e re e emisionit. Bukuroshja bjonde është parë shpesh këto ditë në “Klan”, ku do të jetë edhe anëtare e jurisë së të rinjve në “Kënga Magjike”.
