Spektakli “Dance with me 5” pritet të startojë në datën 14 shtator dhe do të transmetohet çdo të hënë. Ai do të zgjasë rreth dy orë dhe pjesë e tij do të jenë figura të njohura të ekranit tonë, të cilët do të sfidojnë veten në kërcim.
Ndërkohë që tashmë janë bërë publikë emrat e parë që do të jenë pjesë e këtij spektakli, produksioni ka zbuluar edhe dy konkurrentë të tjerë që do të jenë pjesë e tij. Bëhet fjalë për dy vëllezërit binjakë të spektaklit të humorit “Al Pazar”, Romeo dhe Donald Veshaj.
Romeo është bërë i njohur për të gjithë ne me rolin e Montanës tek spektakli “Al Pazar”, dhe është bërë pjesë e tij që në moshën 17-vjeçare. Ndërsa vëllai i tij Donaldi, i cili është 5 minuta më i madh, luan rolin e Montelës në këtë spektakël humori.
Dyshja e njohur e aktorëve mësohet se e kanë pranuar me kënaqësi ftesën dhe premtojnë të na zbulojnë një dimension tjetër të tyre, ndryshe nga ai që jemi mësuar t’i shikojmë zakonisht.
