Supermodelja Irina Shayk ka udhëtuar në Itali me bashkëshortin Bradley Cooper dhe vajzën e tyre njëvjeçare, për të qenë pjesë e Festivalit Ndërkombëtar të filmit në Venecia.
Bukuroshja ruse ka arritur të marrë gjithë vëmendjen e paparacëve gjatë parakalimit në tapetin e kuq.
32-vjeçarja shkoi në Venecia për të mbështetur partnerin për premierën e filmit të ri “A Star Is Born”.
Ajo kishte veshur një fustan Versace në ngjyrë të artë metalike. Fustani i hapur në pjesën e shpinës vinte në pah linjat trupore të modeles së njohur.
Por edhe pse shkoi aty për të mbështetur partnerin, çuditërisht Irina nuk shoqërohej nga Cooper, por nga stilistja e njohur Donatella Versace.
Aktori hollivudian ishte shoqëruesi i këngëtares Lady Gaga, e cila është gjithashtu pjesë e filmit “A Star Is Born”.
Mos ndoshta kjo ndarje u bë për të mos i marrë vëmendjen Gaga-s?
