Sulmi në banesën e familjes së gazetares Klodiana Lala ditën e enjte, ka nxitur mjaft kolegë të saj të tregojnë se profesioni i gazetarisë në Shqipëri është shumë i pasigurt.
Një tjetër gazetar shqiptar që punon në televizionin Klan”, Dashamir Biçaku, ka publikuar disa mesazhe kërcënuese që i kanë ardhur në celular, për të cilat ai ka bërë denoncim në polici dhe prokurori, por prokuroria e Vlorës nuk ka bërë asgjë pasi, sipas tij, kërcënuesi ishte djali i xhaxhait të prokurores.
Dashamir Biçaku rrëfen mes të tjerash se sa e vështirë dhe e frikshme është të punosh si gazetar në Shqipëri.
“S’kemi të drejtë të sëmuremi, s’kemi të drejtë të flemë, sepse në orën 01:00, pas mesnate shefi mund të të telefonojë dhe të të kërkojë llogari për një lajm që sapo ka ndodhur, edhe pse ti mbase je duke fjetur, ke fëmijët në gjumë, apo tek e fundit të ka mbaruar orari i punës. Ne reporterët shqiptarë jemi ata që duhet të punojmë 16-20 orë në ditë, ndonëse paguhemi vetëm për 8 orë pune në ditë”.
Më poshtë, statusi i plotë i Dashamir Biçakut:
