Moderatorja Arbana Osmani me mbylljen me sukses të emisionit “Dua të të bëj të lumtur”, bëri një shkëputje të gjatë me fansat e saj jo vetëm në ekran, por edhe në rrjetet sociale.
Ndërsa të gjithë personazhet e famshëm na kanë treguar çdo moment nga pushimet e tyre luksoze, Arbana Osmani është një ndër të vetmet që nuk ka postuar asnjë foto në rrjetet e saj sociale gjatë gjithë verës.
Mirëpo ndërkohë që vetëm pak ditë na ndajnë nga nisja e sezonit të ri televiziv, Arbana është rikthyer me një pamje të kuruar dhe më në formë se kurrë.
Ka qenë grimierja e saj, ajo që ka publikuar një foto të Arbanës në Instagram, ku moderatorja shfaqet me flokë me onde dhe më të shkurtra se zakonisht.
Pas një mungese kaq të gjatë tashmë fansat kanë filluar të jenë kuriozë të dinë se kur Arbana do të rikthehet sërish në ekran.
