Në zyrat e Kuvendit ka mbërritur projektiligji që parashikon një regjistrim të ri të popullsisë. Censusi i ardhshëm, që do të realizohet në vitin 2020, përveçse do të përcaktojë numrin e saktë të popullsisë, parashikon gjithashtu të japë informacion të detajuar të realitetit demograk, ekonomik dhe shoqëror të vendit. Ndërsa për të gjithë personat që do të japin të dhëna të rreme apo do t’i shmangen rregjistrimit, parashikohen gjoba të cilat do të prekin shifrën e 100 mijë lekë të reja.
“Të gjithë personat e rritur, me shtetësi shqiptare apo të huaj, si dhe personat pa shtetësi, me përjashtim të personelit diplomatik të akredituar në Shqipëri, të cilët në momentin e Censit po jetojnë brenda territorit të Republikës së Shqipërisë, janë të detyruar të japin informacionin e kërkuar në pyetësorët e Censit në mënyrë të saktë dhe të besueshme”, thuhet në nenin katër të draftit.
Censusi i ri do të përcaktojë numrin dhe shpërndarjen e popullsisë rezidente si dhe strukturën demograke e karakteristikat e popullsisë.
“Censi synon t’u ofrojë Kuvendit, Qeverisë, njësive të qeverisjes vendore, organizatave ekonomike, shkencore dhe kulturore, si dhe gjithë shoqërisë civile të dhëna të besueshme statistikore, të nevojshme për planikimin dhe realizimin e politikave të përgjithshme të zhvillimit, për analizat private dhe publike të vendimmarrjes, për kërkime shkencore dhe, në përgjithësi, për përmirësimin e njohjes dhe të të kuptuarit nga shtetasit të realitetit demograk, ekonomik dhe shoqëror të vendit”, sqarohet në draft.
