Një anije me mbi 1 mijë pasagjerë u përfshi nga flakët mesnatën që lamë pas, ndërsa ishte duke udhëtuar nga Pireu drejt Kretës.
Të pranishmit në këtë ngjarje, të cilët përjetuan momente tmerri për rreth 5 orë, kanë treguar detaje nga ngjarja e rëndë.
Një pasagjere e tragetit ka rrëfyer për “Protothema” momentet e panikut që përjetoi pasi trageti u përshi nga flakët.
“Kam qarë e bërtitur me atë që mësova se po na ndodhte. Ekuipazhi shpërndante ujë dhe xhaketa shpëtimi. Ne ishim në panik pasi pamë tymin, por bëmë durim, derisa arritëm të dilnim të gjithë mirë. Ekuipazhi bëri gjithçka që mundi për të na ndihmuar.”, ka rrëfyer ajo.
Në momentin që ra zjarri i pranishëm në traget ishte edhe kryebashkiaku i Platanias, i cili ka zbuluar detaje nga ngjarja e rëndë.
“Na dhanë jelekë shpëtimi. Rreth orës 12:00 kemi marrë një paralajmërim për të shkuar në diskotekë dhe dhomën e ngrënies. Na thanë se kishte rënën zjarr në garazh. Në fillim, po ecnim shumë ngadalë, pastaj anija ndaloi.”, ka thënë Ioannis Malandrakis.
Burimi: Balkanweb
