Ai është një ndër balerinët shqiptarë më të suksesshëm që e kemi parë jo vetëm në koncerte, por edhe në spektakle televizive. Bëhet fjalë për balerinin Jurgen Bala, të cilin e pamë sezonin e kaluar të “Dancing with the starts Albanina”, të kërcente së bashku me Mariza Ikonomin.
Një dyshe mjaft simpatike që u përfol se kishte një kimi mes tyre. Mirëpo pas përfundimit të këtij spektaklit, Jurgeni na ka treguar nëpërmjet postimeve në rrjetet e tij sociale, se është vendosur në SHBA.
Edhe në këtë shtet ai nuk i është ndarë kërcimit dhe së fundmi ka publikuar në profilin e tij në Instagram një foto ku shfaqet përkrahë balerinit të famshëm të “Dancing with the stars USA”, Maksim Chmerkovskiy.
Ende nuk dihet nëse bëhet fjalë thjesht për një foto, apo nëse balerini shqiptar i është bashkuar produksionit të këtij spektakli mjaft të ndjekur në SHBA. Gjithsesi ndjekësit e tij të shumtë kanë nxituar ta urojnë balerin shqiptar, duke shpresuar që ta shohin të jetë pjesë e këtij spektakli.
