Ashtu siç ishte paralajmëruar, Alban Ramosaj do të publikonte këngën e re të triologjisë të titulluar “Hiraeth” dhe dita më në fund erdhi.
Ramosaj nxorri sot në treg këngën “A thu pse” , duke dëshmuar edhe njëherë se po sjell një frymë tërësisht të re në muzikën shqiptare, në bashkëpunim me shtëpinë diskografike “Three Dots”.
Ai është ndoshta i pari artist shqiptar që eksperimenton në një version thuajse të errët të rrymës R&B me një baladë të ndjerë që për hir të së vërtetës nuk po ndalojmë dot së e dëgjuari. Gati në pëshpëritje, Ramosaj i këndon një dashurie të humbur në tinguj gati të dehur që duket si “drogë për veshët”.
Sakaq klipi duket si një pjesë e shkëputur nga një film që të hipnotizon që në momentet e para. Dhe a e patë Alesia Nokën?!
Ish-modelja e “Icon Agency” përkëdhelet e argëtohet me Ramosajn buzë detit me lëvizje super joshëse, që me siguri kanë çmendur fanset e shumta të këngëtarit. Pas kësaj kënge, Albani sapo na bëri shumë herë më të paduruar për fundin e triologjisë! Ndiqni klipin.
