Menjëherë pas edicionit informativ të lajmeve të orës 15.00, “Top Channel” ka vendosur që në sezonin e ri televiziv, emisioni që do të vijojë më pas transmetimin nuk është më “Pop Culture”.
Në një postim në profilin zyrtar në “Instagram” të këtij televizioni, njoftohet se çdo ditë në orën 15.45 do të nisë transmetimin emisioni më i ri, “Top Talk”. Emisioni pritet të përfshijë personazhe dhe protagonist të jetës politike dhe publike. Në spotin e bërë publik, zbulohet edhe se moderimi i këtij emisioni i është besuar moderatorit të lajmeve Denis Dyrnjaja.
“Çdo ditë një ngjarje. Çdo ditë një intervistë. Çdo ditë një i ftuar. Çdo ditë një temë e aktualitetit. Politika, ekonomia, kultura, sporti, dhe gjithçka tjetër përballë faktit. Personazhe dhe protagonistë të jetës politike dhe publike në “#TopTalk”, çdo ditë në orën 15:45, në #TopChannel.” – shkruhet në postim.
