Tashmë jemi në kohën kur kemi lënë pas lyerjen e flokëve në kushte shtëpie, duke e zëvendësuar me sallonet e bukurisë. Dhe një nga ngjyrat që shumë prej nesh na kushton paratë dhe flokët: është bjondia. Parukierja e të famshmeve, Kristin Ess zbulon disa gjëra që duhet të dimë para se të zbardhim flokët:
1.Ji realiste
Pavarësisht gjithçkaje, të bëhesh bjonde platin do të dëmtojë flokët në njëfarë mase. Na vjen keq. “Hapja e ngjyrës së flokëve kërkon përdorimin e peroksidit të hidrogjenit ose dekolorimit për të krijuar një reaksion kimik të pakthyeshëm te flokët tuaj”, shpjegon Ess. Edhe pse formulat e përdorura në sallonet e bukurisë janë më të buta se ato që do të bësh në shtëpi, sërish do t’i lënë flokët tuaj të thatë dhe të dëmtuar, veçanërisht nëse keni flokë të errët.
“Sa më të errët t’i keni flokët natyral aq më shumë pigment ju duhet për të arritur te ngjyra bjonde platin”, thotë Ess.
2.Qëndroji larg “Google”-it
Gjete një bojë për biondet platin 20 dollarë që nuk i dëmton flokët dhe është magjike? Mos guxo! “Kur bëhet fjalë për bojërat, merr atë për të cilën paguan”, shprehet Ess. Nëse kërkon një bojë me shkëlqim dhe që t’i dëmton më pak flokët atëherë duhet të paguash më shumë. Na vjen keq, por bukuria kushton!
3.Gjej një parukier vërtetë të mirë
Nëse i ke flokët e palyer, atëherë kërko për parukierin më të mirë që mund të gjesh, në vend që të kërkosh për më të lirin. “Mund të jetë më i shtrenjtë, por kjo sepse kushton që të arrish rezultatin që do. Flokët bjonde platin janë një investim”, thotë Kristin Ess.
4.Krijo një lidhje me flokët e tu
“Sa më të errët, të trashë ose me onde t’i kesh flokët, aq më shumë do të duhet balsami para dhe pas zbardhjes së tyre”, tregon ajo. Për të ndihmuar në zbutjen e dëmtimit ajo rekomanton një maskë që hynë në thellësi të flokut. Një produkt që do t’ju ndihmojë të riparoni dhe të forconi fibrat e flokut tuaj.
5.Bëj një shënim në kalendar
Nëse dekolorimi të dëmton flokët, duhet të presësh sa më shumë të mundesh për lyerjen e dytë apo jo? E gabuar. “Në mënyrë që ta mbash ngjyrën perfekte të flokëve duhet t’i lësh që flokët të rriten vetëm 2.5 cm para lyerjes tjetër. Nëse pret më shumë atëherë mund të kesh në flokë disa nuanca dhe do të duhet që t’i dekolorsh sërish. Bëj një shënim në kalendar pas 4-6 javësh”, rekomandon Ess.
6.Vazhdo kështu!
Pasi arrite rezultatin që doje me siguri që do ta mbash ngjyrën sa më të shkëlqyer që mundesh. Shto një produkt të ri, shampon ose balsamin lejla në mënyrë që të parandaloni nuancat e së verdhës.
Burimi: Marie Claire
