Vetëm pak ditë më parë në mediat online qarkulloi lajmi se moderatorja Elita Rudi dhe reperi i njohur Gjiko, do t’i japin fund beqarisë në datën 23 gusht. Një dasmë e papritur që ata janë munduar ta mbajnë të fshehtë duke mos zbuluar asnjë detaj.
Dyshohet se ky nxitim i çiftit lidhet me faktin se Elita mund të jetë shtatzënë dhe së shpejti ata do të bëhen prindër për herë të parë.
Prej disa ditësh në media po përflitet se Elita është në pritje të ëmbël dhe këtë gjë moderatores ia kanë vënë në dukje edhe disa nga miqtë e saj duke i thënë se “i shkon shumë shtatzënia”.
Ndërkohë që Elita as e ka pranuar dhe as e ka mohuar këtë lajm, një foto e postuar nga ajo së fundmi në profilin e saj në Instagram na ka bindur për vërtetësinë e këtij lajmi.
Elita shfaqet e veshur në këtë foto me një fustan të zi pas trupit, ku barku i duket paksa i rrumbullakosur.
Pas kësaj fotoje mbetet vetëm konfirmimi i çiftit për të pranuar se së shpejti do të bëhen prindër për herë të parë.
