Aktori i njohur i humorit, Gaz Paja disa muaj më parë foli për herë të parë publikisht për të dashurën e tij. Kur ai ishte i ftuar në emisionin “Wake Up”, moderatorja Oriela Nebiaj e cilësoi të dashurën e aktorit si e “bukura e dheut” dhe gjatë bisedës, u përfol se ajo është bionde, seksi, elegante dhe e buzëqeshur.
Gazi nuk ka dashur që të zbulojë më shumë detaje rreth identitetit të saj duke u munduar ta mbajë sa më të fshehtë. Mirëpo “InTv” ka zbuluar se e dashura e aktorit të njohur quhet Ira Seferi dhe është mikeshë e ngushtë me moderatoren Xhemi Shehu.
Mbrëmjen e djeshme Xhemi ka postuar në Instastory një foto ku shfaqet me një bionde simpatike, emri i së cilës është Ira Seferi dhe pikërisht kjo është vajza që përflitet se është në një lidhje me Gaz Pajën.
Jo vetëm kaq, por Ira dhe Gazi kanë publikuar video në Instastory nga i njëjti vend në Dhërmi.