Është thuajse gati! Dokumentari që do të përshkruajë me detaje jetën e Rihannës, nga fëmijëria deri më sot, është shumë pranë publikimit.
Këngëtarja e hitit “Diamonds” i besoi regjisorit të filmit Peter Berg në vitin 2015, të zbardhte të gjithë detajet e jetës së saj në një dokumentar. Dhe ishte pikërisht Berg, ai që e bëri Rihannën pjesë të filmave të Hollywood-it.
Berg e përshkruan dokumentarin si një panoramë pa filtra të Rihannës, e cila u kthye në një ikonë globale. Dokumentari do të publikohej në vitin 2017, por u shty për shkak të angazhimeve të reja.
“Ajo është një grua shumë interesante dhe mezi pres që dokumentari të dalë në dritë. Do të jetë gati brenda muajit shtator” – rrëfeu regjisori për “Elle”.
