Reperi me famë botërore 2Chainz i dha fund beqarisë ditën e djeshme, duke lidhur kurorë me partneren e tij prej disa vitesh, të qujatur Kesha.
Mirëpo, në vend që vëmendjen ta merrte çifti, sytë dhe komentet e të gjithëve u fokusuan tek reperi Kanye West i cili kishte bërë zgjedhjen më të çuditshme të mundshme përsa i përket këpucëve në dasmën super luksoze të mbajtur në shtëpinë e Gianni Versace në Miami.
Reperi kishte veshur një kostum ngjyrë të gjelbër të lehtë nga Louis Vuitton, që e kishte kombinuar me… gjejeni pak… shapka! Dhe e keqja nuk mbaron këtu. Përveçse kishte zgjedhur shapka, këto të fundit as që nuk i bënin, duke qenë se gjysma e këmbës së tij qëndronte jashtë tyre!
Fotot e reperit mennjëherë kanë bërë xhiron e internetit duke u bërë subjekt talljeje nga ndjekësit që aludonin se West mund të kishte probleme me thonjtë e këmbës dhe se doktori e kishte këshilluar të mos vishte këpucë.
Ndërsa dikush tjetër është tallur me të duke thënë se rrugës për në dasmë kishte vendosur të merrte shapkat që e bija North përdor për në pishinë.
