Ditën e shtunë, u është dhënë lamtumira e fundit viktimave të tragjedisë në Xhenova, ku 43 persona humbën jetën pas shembjes së urës Morandi. Mes viktimave të shumta, kanë qenë dhe dy të rinj shqiptarë, Admir Bokrina 30 vjeç dhe Marjus Djerri 22-vjeç, arkivolet e së cilëve ishin mbuluar me flamurin shqiptar.
Dy djemtë ishin nisur për në punë në momentin kur shembja e urës u mori atyre jetën. Në homazhet e organizuara ditën e djeshme, një prej momenteve më prekëse ka qenë dhe ai kur lojtarët e skuadrës së futbollit Cornigliano Galaticos ku luante si sulmues dhe 22-vjeçari Djerri, i kanë dhënë lamtumirën mikut të tyre.
Djemtë shihen teksa mes lotësh, rrethojnë arkivolin e të riut dhe përqafojnë në dhembje njëri-tjetrin dhe familjarët e Djerrit. Ndiqni pamjet prekëse:
