“Kiki do you love me” është sfida e famshme e cila i ka pushtuar të gjithë kohët e fundit. Teksa dëgjojnë ritmet e këngës “In my feelings” të reperit të njohur Drake, dalin jashtë makinës dhe kërcejnë ndërkohë që makina është në lëvizje. Një sfidë e rrezikshme, por që tashmë është kthyer në trend.
Mirëpo me sa duket një sfidë e re ka nisur, e cila me shumë mundësi do t’i zërë vendin “Kiki”-t. Ajo quhet “Falling stars” dhe është trendi më i çuditshëm i fotove që kemi parë ndonjëherë.
Njerëzit po pozojnë sikur janë rrëzuar me fytyrë në tokë nga shkallët, nga jahtet, nga makinat etj. Këto foto shoqërohen me hashtagun #fallingstars dhe pasi ka nisur në Rusi po përhapet në gjithë botën.
Duke qenë se nuk përmban rrezikun që ka sfida e “Kiki”-t është e sigurt që nuk do të ngelet njeri pa e provuar atë.
