Familja Ndreu është mbushur me pikëllim, pas ndarjes nga jeta të vajzës së tyre vetëm 7 vjeç, si pasojë e aksidentit tragjik në Kamëz. Valbona la djalin me bashkëshortin dhe së bashku me dy vajzat, u nis drejt Spitalit, pasi vogëlushet ishin me temperaturë. Mirëpo një makinë i përplasi dhe për pasojë, vajza e madhe e familjes humbi jetën, ndërsa Valbona dhe vajza e vogël gjenden në spital, në kushte të rënda shëndetësore.
“Atë ditë unë kam qenë me vajzat te Spitali, me bashkëshortin. Besoj që e kam parë rrugën dhe kam ndal në trafik ndarësen. Në momentin që po shikoja për të kaluar rrugën kam pas dy vajzat përdore. Nuk di asgjë e di që kam pas si një tërmet nga mbrapa edhe më pas nuk di asgjë. Akoma s’më besohet. Që ta marrësh përdore e ta heqësh nga duart nuk më besohet. I mbaja gjithmonë përdore, akoma s’më besohet që se kam njërën vajzë” – tregon mes lotësh Valbona nga shtrati i spitalit të traumës aty ku po merr ndihmën mjekësore së bashku me Elonën e vogël.
I ati tregon se edhe përse vajza e vogël ka dëmtime serioze, mjekët kanë sugjeruar që 2 pacientet ta lënë spitalin. Ndërkohë që për të atin, jo vetëm gjendja fizike, por edhe ajo psikologjike është tepër e rënduar.
“Gjendja shëndetësore e vajzës është shumë e dobët është shumë keq, ajo nuk mbahet në këmbë. Ka vatër të gjakut ka dëmtime të trurit, ka dëmtime të kockave. Ajo ka bërë vetëm një ekzaminim dhe nuk ka një ekzaminim të dytë për të ditur se në cfarë situate është vajza në cfarë situate është nusja. Fola me doktorin se si mund ta nxjerr nga spitali. Ajo anën psikologjike nuk e ka kaluar akoma. Më tha që nuk ka psikolog këtu. Ato kanë nevojë për regjim spitalor, jo për regjim krevati në shpi.”– shprehet Ferit Ndreu.
