Duket se lëkundjet sizmike në Shqipëri, nuk kanë të sosur gjatë kësaj vere. Ditën e djeshme, Tirana u trondit nga një lëkundje e fuqishme sizmike rreth orës 17:39. Përveçse në Tiranë, tërmeti me magnitudë 5.1 ballë të shkallës Rihter dhe me thellësi 24 km, u ndje edhe në në qytete të tjera, Laç, Kukës.
Tërmeti është shoqëruar edhe me 14 pasgoditje të tjera gjatë natës, që janë ndjerë në qytetin e Burrelit, aty ku ishte edhe epiqendra e tërmetit.
Sipas Ministrisë së Mbrojtjes, lëkundjet e forta të tërmetit kanë lënë dëme materiale në disa banesa në veri të vendit. Më të prekurat janë shtëpitë në Klos, Mat dhe Dibër.
Deri tani janë raportuar këto dëmtime të pjesshme në banesa:
- 12 banesa të demtuara ne Bashkinë Klos, kryesisht në çarje muresh, dëmtime tavanesh etj
- 8 banesa të dëmtuara në Bashkinë Mat.
- 47 banesa të dëmtuara në Bashkinë Bulqizë, çarje muresh.
