Ajo ishte vetëm 13 vjeçe kur u diagnostikua me leukemi limfatike në vitin 2010.
Mjekët në Shqipëri i dhanë tre jave jetë. Por Artiola shkoi në Austri ku u shërua dhe sot ajo është duke studiuar mjekësinë dhe aktualisht po bën një praktikë në spital në ndihmë të pacientëve.
“Është një ndjenjë shumë e mirë për të fituar përvojën time të parë praktike këtu. Sa shumë fytyra të njohura, sa kujtime të shumta”, ka thënë Artiola më 1 gusht 2018, kur ajo u pranua në praktikë e saj njëmujore në Repartin e mjekësisë për fëmijë dhe adoleshentë.
Arsyeja përse ajo ka filluar të studiojë mjekësinë, janë pacientët e vegjël në pavijonin e kancerit të pediatrisë, të cilët i kujtojnë veten e saj:
“Nga përvoja ime personale mund ta paramendoj se si ndjehen ata. Çfarë frike dhe shpresa që kanë dhe se sa e vështirë mund të jetë ndonjëherë”.
Shqiptarja 22-vjeçare, në javët e ardhshme do të njihet me proceset e një spitali nën udhëheqjen e Dr. Prim. Ëilhelm Kaulfersch.
Në tre vitet e ardhshëm, ajo dëshiron të angazhohet dhe pastaj të përfundojë një trajnim të specializuar përkatës.
Burimi: albinfo
