Kylie Jenner festoi dje ditëlindjen e saj në një festë të madhe që u shndërrua në paradë mode, kur motrat e saj nisën të vinin të veshura kaq seksi.
Fillimisht ajo publikoi fotografitë e ëmbla me vogëlushen e saj Stormi, të cilat i shoqëroi me përshkrimin:
“Duke pritur ditëlindjen time me dhuratën më speciale. Çfarë ishte jeta pa ty Stormi. Të dua engjëlli im i vogël”.
Më pas, bashkë me motrat Kendall, Kim, Khloe, Kourtney dhe nënën e saj Kris Jenner, Kylie Jenner u ndal për darkë në restorantin “Craig’s” në LA, para se të shkonin për të festuar në Delilah’s.
Edhe pse ka vetëm pak muaj që ka lindur, 21-vjeçarja miliardere dukej e pabesueshme, me flokët e saj bjonde platin ndërsa mbante veshur një fustan mahnitës pink, i cili i ekspozonte belin e hollë dhe gjoksin.
Veshja e dytë e mbrëmjes ishin një palë paliçeta me shkëlqim, sërish rozë, që i falnin një bukuri verbuese bukuroshes. Mosha kur lejohet të pish alkool në SHBA është 21 vjeç, kështu që Kylie-s iu desh të priste mesnatën për të festuar siç i ka hije me një gotë në dorë.
Të pesta motrat, së bashku me nënën e tyre Kris Jenner u fotografuan duke i nxjerrë gishtin e mesit kamerës.
Edhe 37-vjeçarja Kim Kardashian dukej më në formë se kurrë me një fustan rozë fosforishent që i tregonte belin e hollë.
Khloe, 37 vjeç, mbërriti me një veshje në ngjyrë argjendi, që për habinë e të gjithëve, i tregonte barkun e sheshtë, vetëm 4 muaj pas lindjes së vajzës True.
Motra më e madhe, Kourtney, 39 vjeç, mbërriti gjithashtu në festë vetëm, pa të dashurin e saj me të cilin u nda vetëm 3 ditë më parë.
Kendall Jenner, 22 vjeç, ishte e vetmja nga motrat që kishte veshur një fustan në ngjyrë të zi, kombinuar me një çantë dhe sandale Prada.
