Ajo tërhoqi vëmendjen atëherë me thjeshtësinë dhe bukurinë, gjë që e ndihmoi atë të futej në botën e televizionit. Që prej asaj kohe Hygerta ka qenë në televizionin shqiptar si prezantuese e një serë emisionesh.
Siç ka treguar ajo në intervista të ndryshme, bukuria e ka ndihmuar shumë në karrierën e saj në televizion, mirëpo në një intervistë të fundit për ‘Panorama Plus’, Hygerta ka rrëfyer se në fakt atëherë nuk ka qenë aspak e bukur edhe pse ka qenë e re, sipas saj në këtë moshë ajo ndihet më tërheqëse se sa kur u shpall Miss.
‘Të tregohem e sinqertë mua më pëlqen më shumë vetja tani sesa kur kam qenë e re. Duke qenë se për mua bukuria është thjeshtë një ambalazh i këndshëm i aftësive të tjera që vlejnë shumë më shumë, ndihem çdo ditë e më e sigurt për atë që përfaqësoj. Bukuria nuk njeh moshë, për sa kohë njerëzit të vlerësojnë edhe për ato vlera të tjera që ke dhe që sigurisht nuk abuzon me bukurinë që të ka falur zoti’- ka thënë Sako.Burimi: Panorama
