Moderatori i njohur shqiptar, Ardit Gjebrea, po vuan sot humbjen e një prej njerëzve të tij më të dashur. Gjebrea njoftoi paraditen e kësaj të shtune, se nëna e tij Meropi është ndarë nga jeta.
Moderatori bëri një dedikim prekës për njeriun e tij të shtrenjtë në ‘Instagram”, ku ndau dhembjen me ndjekësit e shumtë, të cilët nuk ngurruan të shprehin ngushëllimet.
“Nuk di a do mësohem dot me mungesën tënde… Lutem që engjëjt të kujdesen për ty”, shkruan Arditi në përshkrimin e dy fotove të nënës së tij.
Dedikimet e moderatorit shqiptar për të ëmën ishin të shpeshta. Pak kohë më parë ai përshkroi ndjenjën e dashurisë për personin që e solli në jetë:
“Nuk mjaftojnë 1 mijë fjalë të të them çfarë je për mua, nuk mjaftojnë 1 milion falje të të kërkoj sa herë të kam mërzitur. Nëse do rilind përsëri, nuk do doja nënë tjetër të më lindte… vetëm TI!”.
E ndjera do të përcillet për në banesën e fundit në orën 17.00 të ditës së sotme, në varrezat e Sharrës.
