Bashkëshortja e gjyqtarit Dritan Hallunaj, Enkelda Hallunaj i dha fund jetës në rrethana ende të paqarta mesditën e së enjtes. 37-vjeçarja ishte me profesion stomatologe dhe punonte pranë Autoritetit Shëndetësor Rajonal të Tiranës. Nëna e vajzës 7 vjeç, gjeti vdekjen e menjëhershme, pasi u hodh nga ballkoni i shtëpisë në katin e pestë.
Ende nuk dihen arsyet e këtij veprimi ekstrem, por burime për “Ballkanweb” shprehen se ajo vuante nga depresioni dhe se në banesë janë gjetur antidepresivë. Fqinjët e familjes Hallunaj treguan tmerrin që përjetuan.
“Kemi dëgjuar një zhurmë, ishte aq e fortë sa nuk e menduam se ishte një trup njeriu. Ka qenë vetëm në shtëpi, sepse nuk kemi parë njerëz të tjerë të dalin. Kanë qenë disa kalimtarë duke kaluar, janë tromaksur. Ne lajmëruam policinë menjëherë”, kanë thënë kalimtarët, raporton “Balkanweb”.
