Blogeret e “bukurisë” dhe “shëndetit” po inkurajojnë të gjitha vajzat të aplikojnë pastë dhëmbësh në pjesën e gjoksit, për të rritur numrin e tyre. “Naturalbeauty556” shprehej përmes videove në “Youtube” se në vetëm pesë ditë rriti me dy masa gjoksin e saj, pasi aplikoi maskën e përgatitur në shtëpi me pastë dhëmësh, miell, të bardhë veze dhe kastravec të grirë.
Ndërsa një tjetër blogere, nën emrin Susana Home Remedies, sugjeronte të përzienit vazolinën me pastën e dhëmbëve për të rritur gjoksin.
Dhe vajzat, në pamundësi për të kryer operacione plastike, u hodhën në sulm duke përgatitur maskat dhe mezi prisnin ndryshimin.
Ndaj përpara se të nisni ta përgatisni edhe ju, më mirë lexoni me kujdes se çfarë tha mjekja për këtë taktikë të re të shpikur në rrjetet online.
“Çfarë dreqin po nxjerrin? Si dermatologe, ju sugjeroj të mos aplikoni në mënyrë kategorike pastën e dhëmbëve në pjesën e gjoksit. Në rastin më të keq, lëkura juaj mund të irritohet duke sjellë dëmtime të mëdha. Sakaq, nuk ka asnjë të vërtetë se pasta e dhëmbëve apo vazolina përmbajnë përbërës që rrisin kolagjenin në trup.” – u shpreh dermatologia Mona Gohara për “Marie Claire”.
Pra, lini gjnjtë tuaj të shkretë të qetë, ashtu siç janë dhe mos i torturoni. Pasi siç na e ka thënë edhe mami në shkollën fillore, nuk mund t’i ndryshojmë dot format e trupit me të cilat kemi lindur. Përjashtojmë operacionet plastike, sigurisht!
