Ditën e sotme i është dhënë lamtumira e fundit regjisorit, Bekim Lumi. Ai humbi jetën mëngjesin e djeshëm pas një beteje 2-vjeçare me një sëmundje të rëndë.
Ditën e sotme në orën 12:00 në Teatrin Kombëtar u bënë edhe homazhet për përcjelljen e tij. Shumë qytetarë, studentë, artistë e politikanë morën pjesë në homazhet e organizuar në nder të tij, por edhe në përcjelljen për në banesën e fundit.
Sikurse vet Bekimi e kishte lënë amanet, ai u përcoll me muzikë. Ishte tenori Luan Durmishi, i cili këndoi pjesë nga vepra “Vdekja nuk është fundi” të novelistit Bob Dylan.
“Miku im i dashtun!
E paske lënë amanet që unë sot të t’përcjell në banesën tënde të fundit me këngë! Unë, sot nuk e gjej dot forcën të këndoj! Të LUTEM falëm! Por, unë sot gjithsesi do ta gjej forcën dhe do ta përmbush amaneti, në tingujt e pianos, krijimin tim që ta kam dediku TY , me vargjet me të bukura dhe më të fuqishme, nga poeti, nobelisti dhe muzikanti Bob Dylan ” Vdekja nuk është fundi “.
Miku im i dashtun!
Më kujtohet kur më ke tregu, se fillimin e studimeve t’ua e ke nisur në muzikë, për t’i braktisur ato menjëherë, për shkaqe të rrethanave politike të asaj kohe! Dhe si disident, që t’kanë konsideru, nëse nuk gaboj dhe dashuri të madhe që ke pas për Shqipërinë ke lënë vendin, për t’i vazhdu studimet, për teatër në Tiranë.
Je kthy në Kosovë, në teatrin tënd të dashtun për të bërë mrekulli! Unë, sot me shumë dhimbje, por i përmbushun që po ta plotësoj amanetin tënd, do t’përcjellë në banesën tënde të fundit me muzikë dhe vargje, sepse muzika për TY ishte dhe mbeti pika më e fuqishme e artit , sepse TI e doje aq shumë muzikën dhe ishe njeriu më muzikal dhe shije hollë për muzikë, që kam taku në jetën time.”, shkruante tenori Luan Durmishi.
