Sado të kujdesshëm të jeni, me siguri edhe ju do të keni një apo dy bluza ose këmisha në dollap që nuk doni më t’i vishni për shkak të njollave të verdha në pjesën e sqetullave, që formohen për shkak të djersës.
Por nëse kishit ndërmend t’i hidhnit, bëni mirë të ndaloni sepse me këtë medotë fare të thjeshtë, mund t’i bëni ato të bardha si më parë. Për këtë, do t’ju duhen vetëm dy përbërës: sodë buke dhe ujë.
Në një enë të vogël, përzieni 4 lugë gjelle sodë buke dhe çerek gote ujë. Fërkojeni përzierjen mbi njollë dhe lëreni ashtu për një orë që të veprojë. Më pas, lajeni veshjen me ujë të ftohtë dhe kontrolloni nëse njolla ka ikur. Nëse jo, përsërisni të njëjtin proces edhe njëherë para tharjes.
