Lindsay Lohan kërcënoi dy punonjëset e stafit të saj në resortin që ka në Greqi, se do t’i pushonte nga puna nëse ato nuk kombinonin këpucët me njëra-tjetrën.
Aktorja 32-vjeçare komentoi në një postim në Instagram të “Lohan Beach House”, ku shfaqeshin dy nga kamerieret e klubit në uniforma të bardha por me këpucë të ndryshme nga njëra-tjetra, njëra platformë dhe tjetra një palë taka bezhë.
“Vishni këpucë të njejta ju lutem. Ose jeni të pushuara.”
Më pas dikush e pyeti nëse e kishte seriozisht këtë paralajmërim dhe ajo tha po.
Fansat e kanë kritikuar për këtë veprim dhe i kanë kërkuar që të mos bëhet shefe e keqe.
