Surprizat janë ato që na shijojnë më shumë në këto ditë vere, ndaj dhe “Swatch” na jep më shumë arsye për të festuar.
Një koleksion i ri syzesh “Swatch the Eye” i krijuar me një koncept tërësisht special ngjyrash, modelesh, dhe dizajnesh vjen në dispozicionin tuaj këtë sezon vere, kur ua kemi nevojën më shumë se kurrë. Plot 3 forma të ndryshme syzesh dhe 15 ngjyra, do të plotësojnë larminë e aksesorëve verorë falë të cilëve vera do të jetë më e bukur dhe më e gjallë.
Ju do të keni mundësinë të zgjidhni midis 3 modeleve: Syzeve Pilot, që janë të përshtatshme më tepër për meshkujt; Syzeve “Cat Eye”, pra në formën e syrit të maces, që janë më femërore dhe Syzet Katrore që janë uniseks. Sa u përket ngjyrave, ato variojnë nga e zeza në ngjyrat e tokës dhe nga skeleti transparent tek ai solid, i inspiruar nga trendet e reja të pranverë-verë 2018.
Syzet janë të disponueshme me xhama pasqyre ose të thjeshtë. Risia është paketimi i ri më trendi me një mbulesë transparente me logon e “Swatch the Eye” dhe një këllëf mikrofibër që e përjashton nevojën e shamisë pastruese. Syzet, të përshtatshme për verë dhe për dimër, kanë një cilësi të garantuar me xhama të polikarbonizuar që bëjnë të mundur mosdepërtimin e rrezeve të diellit në sy, por kthimin e tyre mbrapsht.
Cili model bën për mua?
Fillimisht duhet të kuptoni se çfarë forme fytyre keni dhe “Swatch” jua thjeshton punën, duke iu përcaktuar se cili stil syzesh dielli është ideal për ju.
Fytyra në formë zemre
Nëse fytyra juaj ka formë zemre, pra më e gjerë në ballë dhe gradualisht ngushtohet deri te nofulla, ideale për fytyrën tuaj janë Syzet Pilot, si për shembull “The Eyes of Big”.
Këto syze me një kornizë të shndritshme transparente janë perfekte për fytyrën tuaj dhe shumë funksionale. Ofrojnë 100% mbrojtje nga rrezet e diellit Ultra Violet dhe janë të përshtatshme për ditët në plazh dhe paraditet në qytet.
Vijnë me një paketim “trendy” me kuti transparente dhe një këllëf mikrofibër me logon e “Swatch the Eye” që mund të zëvendësojë shaminë e pastrimit.
Fytyra në formë ovale
Nëse keni formën e fytyrës ovale, atëherë zgjidhni syzet në formë katrore “The Eyes of Jay” me një skelet të zi të shndritshëm në pjesën e përparme dhe mat në pjesën e pasme.
Ofrojnë 100% mbrojtje nga rrezet e diellit Ultra Violet, dhe lente me shumë shtresa në ngjyrë floriri të errët. I gjeni me çmim të arsyeshëm në dyqanet e “Swatch” në TEG dhe Qendrën Metropol në rrugën “Sami Frashëri” në Tiranë.
Fytyra në formë diamanti
Për fytyrë në formë diamanti, pra të ngushtë në pjesën e ballit dhe nofullës, por me mollëza të ngritura, zgjidhni syzet “Cat Eyes”, të cilat janë të zgjatura me bishtin lart.
“The Eyes of Violetta” janë syzet e duhura për ju, me një xham me shkëlqim pasqyre në ngjyrë violet, me mbrojtje 100% nga rrezet e dëmshme Ultra Violet dhe skelet në ngjyrë blu dhe violet.
Burimi: Iconstyle.al
