Ermal Mamaqi, së bashku me bashkëshorten e tij Amarda Toska ndodhen në Nice të Francës në shoqërinë e miqve, Elvana Gjata dhe çiftit Almeda Abazi dhe Tolgahan Sayisman. Mbrëmjen e djeshme, ata ishin prezent gjatë koncertit të divës së muzikës botërore, Beyonce.
Ndërsa ditën e sotme, pas shëtitjes me jaht në rivierën franceze, ata u panë në shoqërinë e producentit të famshëm.
Nuk e dimë nëse ka qënë rastësi apo e planifikuar, por edhe producenti i këngëtares Elvana Gjata, Poo Bear ndodhej në të njëjtin restorant me ta në Nice, të Francës.
Këngëtarja shqiptare ka ndarë me ndjekësit në rrjetet sociale edhe takimin e moderatorit Ermal Mamaqi dhe Amit me producentin Poo Bear, emri i vërtetë i së cilit është Jason Boyd. Më pas festa e Elvanës ka vijuar me bashkëshorten e producentit dhe vogëlushin e tij, teksa shfaqen në videon e dytë duke kërcyer.
Poo Bear është edhe producenti i këngëtarit Justin Bieber.
