Prej më shumë se dy vjetësh, Britney Spears është kokë e këmbë e dashuruar me aktorin, trajnerin personal dhe të dashurin Sam Asghari.
Në një intervistë për “Men’s Health”, Asghari foli për herë të parë për dashurinë e jetës së tij. Ata u takuan krej rastësisht për xhirimet e klipit të këngës “Slumber Party”, që nëse e keni parë do kuptoni menjëherë kiminë mes tyre.
“Një mbrëmje përpara xhirimeve, më telefonuan për të qënë pjesë e klipit. Nuk e di nëse ishte bekim apo e shkruar që të njiheshim. Pas xhirimeve, shkëmbyem numrat e telefonit dhe dolëm në takimin e parë së bashku.” – u shpreh i dashuri i këngëtares Britney Spears.
Dhe ata nuk e planifikuan kurrsesi të ishin partnerë në jetë dhe në palestër, por ja që ndodhi dhe janë shumë të lumtur.
“Të bëjmë ushtrime së bashku në palestër është mrekulli.Unë mendoj për ushtrimet ndërsa ajo për videon. Është diçka komike, me të cilën argëtohemi shumë. Ajo më motivon më shumë se kushdo tjetër. Ajo është një person shumë i dashur dhe i përkujdeshëm për të tjerët. Unë do i qëndroj gjithmonë përkrah. Ajo është një bekim në jetën time.” – tha Sam Asghari, duke konfirmuar se adhuron partneren e tij.
