Kulmi i performancës së Era Istrefit në Rusi, ishte shqiponja që bëri në podiumin e stadiumit. 24-vjeçarja i bëri krenarë të gjithë shqiptarët me gjestin e saj, por shumë shpejt u pendua dhe e fshiu foton në pak minuta.
Nuk e dimë nëse këngëtarja mori ndonjë paralajmërim në Rusi, duke qenë se ky gjest cilësohet si provokues në një shtet që ende nuk e ka njohur Kosovën.
Edhe dy futbollistët shqiptarë që luajnë me Kombëtaren e Zvicrës i bënë krenarë gjithë shqiptarët pasi i festuan dy golat e shënuar kundër Kombëtares së Serbisë me simbolin e shqiponjës me duar. Një veprim ky që u brohorit nga shqiptarët, por që dy futbollistëve u hapi probleme, pasi FIFA i dënoi me 10 mijë franga zvicerane secilin prej tyre.
