Pas një historie dashurie shtatë vjeçare, aktori Visjan Ukcenaj dhe regjisorja Jona Xhelilaj do të bëhen për herë të parë prindër. Në një intervistë për emisonin “Rudina”, ata rrëfyen për herë të parë edhe gjininë e bebit, që pritet të vijë në jetë brenda dy muajsh.
“Jona vendosi të ma bënte surprizë gjininë. Bleu një dhuratë dhe më tha se do ta kuptoja menjëherë gjininë pasi ta shihja, ndërkohë që ajo do të filmonte. Hapa dhuratën dhe shoh një gjë rozë dhe ngriva. E kisha pasur mbrapsht. Kur e shoh mirë ishin një palë këpucë të vogla blu dhe u përlota se ishte djalë. Ndaj ne presim një djalë” – tregoi mes emocionesh aktori i humorit Visjan Ukcenaj.
Mirëpo ky moment kaq i veçantë do të mbetet vetëm në kujtesën e prindërve të rinj, pasi Jona kishte harruar ta xhironte.
“Jam emocionuar kaq shumë se ishte djalë. Qava pafund. Dhe në fund, Jona më thotë se kishte harruar të rregjistronte këtë moment dhe e kishte mbajtur telefonin në dorë. Ndaj Zoti vendosi të ishte një moment që do të jetë kujtim vetëm tek ne të dy” – përfundoi aktori Visjan Ukcenaj, mes lotëve.
