Moderatori i njohur Ledion Liço ditët e fundit është vënë në qendër të vëmendjes mediatike pasi po përflitet se do të largohet nga “Top Channel”.
Shkak i largimit të tij u tha se u bënë përplasjet e vazhdueshme që ai kishte me drejtorin e ri, Ben Blushin. Sipas këtyre lajmeve, Ledioni kishte pretenduar që ta zinte ai postin e drejtorit të përgjithshëm, por me emërimin e Ben Blushit, kishin nisur edhe përplasjet me këtë të fundit.
Mirëpo ky lajm u përgënjeshtruar nga Ledioni duke u quajtur si “Fake News”. Por me sa duket problemet për Ledionin nuk kanë të sosur. Sot portali “Syri.net” publikoi një mesazh të cilin moderatori i njohur ia drejtonte stafit të “The Voice”, të cilëve ju kërkonte falje se duhet të ndërprisnin bashkëpunimin pasi kishin probleme ekonomike dhe nuk i përballonin dot pagesat.
Një mesazh ky që bëri xhiron e rrjetit, por që përsëri u mohua nga Ledioni, duke thënë se është vetëm një sajesë e mediave.
Mirëpo veprimi i fundit i Ledionit na ka futur të gjithëve në dyshime në lidhje me vërtetësinë e këtyre lajmeve. “Iconstyle.al” ka zbuluar se Ledioni pas lajmeve për largimin e tij nga “Top Channel” dhe problemeve me pagesat ka marrë një vendim drastik. Ai ka mbyllur profilin e tij në Instagram, duke i befasuar të gjithë, pasi ai njihet si një ndër moderatorët më aktivë në rrjetet sociale. Ky veprim sapo i rindezi përsëri diskutimet mbi largimin e tij nga “Top Channel”.
*Kujdes! Ndalohet riprodhimi i këtij materiali pa lejen e redaksisë së Iconstyle.al
