Justin Bieber dhe Haily Baldwin tashmë janë fejuar zyrtarisht dhe nuk ka më dyshime për këtë.
Këngëtari 24-vjeçar i propozoi për fejesë modeles 21-vjeçare teksa ata ishin me pushime në Bahamas. Sipas disa burimeve për “TMZ” Justin u ul në gjunjë përpara turmës në Baker’s Bay, një gji i vogël në Greta Guana Cay në Bahamas dhe bëri një propozim super romantik.
“Propozimi ishte një moment shumë i lumtur për të dy. Fytyra e tij dukej në siklet, por arrihej të kuptohej sa shumë të dashuruar janë. Justin është më i lumtur se kurrë me Hailey-n. Të gjithë janë shumë të lumtur për të”, u shpreh një burim për “TMZ”.
Fansat e dyshes së njohur tashmë kanë bërë virale edhe unazën me të cilën Justin i propozoi modeles së njohur.
Baldwin është shfaqur me një unazë me një gur diamanti gjigant me dy rrathë floriri të verdhë.
Lajmin e fejesë së tyre tashmë e ka konfirmuar edhe babi i modeles, i cili shkroi një mesazh urimi për çiftin.
“Buzëqeshje e ëmbël në fytyrën time! Unë dhe gruaja ime (Kennya) gjithmonë lutemi për vullnetin e Perëndisë! Ai po lëviz në zemrat e Justin Bieber dhe Hailey Baldwin. Le të lutemi të gjithë që vullneti i tij të bëhet. Ju dua shumë”, shkruan babai i modeles.
Burimi: Daily Mail
