Një aksident tragjik ndodhi ditën e djeshme në Suharekë të Kosovës ku 5 anëtarët e një familjeje humbën jetën. Familja Sadikaj ishte duke u kthyer nga Zvicra për në Kosovë dhe në momentin e aksidentit makinën e drejtonte gjyshja.
Një aksident fatal ku djali, nusja, dy fëmijët dhe gjysha humbën jetën në mënyrë tragjike. Tashmë familjarët e tyre nga Sopia kanë hapur dyert e mortit për të vajtuar të afërmit e tyre.
Mirëpo mediat kosovare kanë raportuar edhe një detaj shumë të trishtë për familjen Sadikaj. Në të njëjtën rrugë, 29 vite më parë kjo familje kishte humbur njerëzit e saj më të dashur.
Babi i viktimës J.S së bashku me dy vëllezërit e tij kishin humbur jetën 29 vite më parë në një aksident tragjik në të njëjtin aks rrugor, në rrugën e Duhles.
Burimi: Balkanweb
