Emiljano Nina, është personi që ka terrorizuar dje gjithë pushuesit në klubin e natës në Dhërmi të Himarës.
Burime nga policia bëjnë me dije se është arrestuar shtetasin Emiljano Nina 23-vjeç. Sipas klientëve në klub është qëlluar mbi pesë herë duke terrorizuar gjithë të pranishmit, raporton newsbomb.al.
Kujtojmë që dje në mbrëmje, pak minuta pas mesnatës një sherr i madh ndodhi në klubin e natës në Dhërmi, që ka ngjallur panik.
Ka pasur grushta, thyerje shishesh, edhe të shtëna me armë. Sipas informacioneve nga uniformat blu, personi që ka qëlluar me armë, është Emiljano Nina, që është vendosur edhe në pranga.
“Nga veprimet e para të kryera ka rezultuar se në një lokal shtetasi Emiljano Nina është konfliktuar për motive të dobëta (të hershme) me një tjetër shtetas e për pasojë konflikti ka agravuar më tej, ku shtetasi Emiljano Nina ka shtënë 4 herë me armë zjarri në ajër. Nga të shtënat nuk ka persona të lënduar.
Në përfundim të veprimeve hetimore është kryer arrestimi në flagrancë i autorit, shtetasit Emiljano Nina, 23 vjeç, banues në Tiranë. Po në kuadër të veprimeve të kryera është bërë e mundur dhe gjetja e sekuestrimi armës së zjarrit pistoletë me dy fishekë”, thuhet në njoftimin e policisë.
