Prezantuesi radiofonik rus Aleksandr Sofronov ka festuar fitoren e vendit të tij ndaj Spanjës në Kupën e Botës duke veshur një fustan gjatë prezantimit të emisionit të tij, duke mbajtur kështu premtimin e dhënë në prag të ndeshjes.
Rusia shënoi një fitore mahnitëse dhe të papritur duke mposhtur Spanjën në stadiumin Luzhniki në Moskë të dielën.
Përpara ndeshjes, prezantuesi i “Sport FM” Sofronov tha se nëse Rusia do të shënonte fitoren ndaj Spanjës ai do të vishte fustan në emision.
“Sport FM” transmetohet edhe me pamje në ekran , që do të thotë se veshja e Sofronov ishte e dukshme për audiencën e stacionit.
Prezantuesi gjithashtu po mendon një tjetër premtim nëse Rusia do të kapërcejë ndeshjen me Kroacinë në ndeshjen e çerekfinale në Soçi të shtunën.
