Këngëtari i njohur britanik, Sam Smith po kalon një periudhë aspak të lehtë. Ai ka rënë sërish në depresion pas ndarjes nga i dashuri, aktori i “13 Reasons Why”, Brandon Flynn.
Lajmin e ndarjes Sam e ka konfirmuar publikisht gjatë një koncerti në Barclays Center, Brooklyn. Ndërsa ishte duke performuar ai ndaloi për një çast dhe me lot në sy rrëfeu ndarjen nga Brandon.
“E di që të gjithë këtu po kalojnë momente të vështira dhe ndarjeje ashtu sikurse dhe unë. Prandaj sonte t’i harrojmë të gjitha e të gjithë dhe të festojmë”, tha Sam me lot në sy.
Burime pranë këngëtarit britanik kanë thënë për “The Sun” se marrëdhënia midis çiftit ishte e pamundur të vazhdonte pasi kanë qenë shumë të angazhuar me jetën profesionale dhe e kishin shumë të vështirë të qëndronin me njëri-tjetrin.
