Trashëgimtarja e “Top Channel” Lori Hoxha prej 6 vitesh është në një lidhje dashurie me Vis Bajraktarin. Ata janë lidhur në një moshë shumë të vogël me njëri-tjetrin dhe kanë preferuar që romancën e tyre ta mbajnë larg vëmendjes mediatike.
Sot Visi feston ditëlindjen e tij të 25-të dhe ka publikuar një foto në Instastory ku na tregon se po feston në vendin turistik përrallor, Saint Tropez.
“U zgjova 25 sot”, shkruan Visi krahas fotos ku na tregon edhe destinacionin luksoz ku po pushon.
Mirëpo në këtë ditë të rëndësishme të jetës së tij Visi duket se po feston së bashku me motrat Hoxha. Natyrisht që Lori nuk ka sesi të mungojë, por së bashku me ta duket se është edhe Sara Hoxha së bashku me familjen e saj.
Sara ka publikuar mëngjesin e sotëm një video ku na tregon se ndodhet duke pushuar në një vend turistik bregdetar, i cili është i njëjtë me atë ku ndodhet Visi.
Me sa duket kjo do të jetë një ndër ditët më të bukura të Visit, e cila pritet të jetë e mbushur me surpriza të shumta.
