Vetëm një javë na ndajnë nga dasma e shumëpritur e këngëtares së njohur shqiptare, Afërdita Dreshaj me sportistin çek Jakub Kindl. Ata do të kurorëzojnë dashurinë e tyre me një martesë madhështore që pritet të organizohet më 30 qershor në Miami Beach, Florida.
Ndërkohë që tashmë ka filluar numërimi mbrapsht këngëtarja shqiptare ka publikuar fotot e para nga seti fotografik që ka realizuar para dasmës.
“Përgjithmonë”, shkruan Afërdita krahas fotos ku shfaqet së bashku me bashkëshortin e saj të ardhshëm.
E veshur me të bardha, Afërdita shfaqet më e lumtur se kurrë në krah të sportistit të njohur çek.
Ndërkohë ditën e djeshme Afërdita me një postim në Instastory na ka treguar edhe modelin e flokëve që ajo do të ketë ditën e dasmës.
