Ambasadori i Kosovës në Britaninë e Madhe, Lirim Greiçevci, ka publikuar dje një video nga performanca e këngëtarit James Blunt në Londër.
Blunt ishte duke kënduar “You’re beautiful”, ndërsa ambasadori shprehet se kjo këngë i është dedikuar një kosovareje që e kishte takuar anë vitin 1999, kur ai shërbente si paqeruajtës me forcat britanike gjatë luftës në Kosovë.
”James Blunt këndon “You’re Beautiful”, një këngë që ia kushtoi një vajze të panjohur kosovare të cilën e kishte takuar kur shërbeu si paqeruajtës britanik në vitin 1999 dhe të cilën ai duhet ta kishte admiruar shumë duke shkruar një këngë për të. Sidoqoftë, kushdo që të jeni, faleminderit që frymëzuat James-in që këndoi një këngë kaq të bukur ????????”.
Por fansat nuk bien dakord për këtë gjë, ndërsa shkruajnë se kënga në fakt, i kushtohet ish-të dashurës së Blunt, Dixie Chassay, të cilën James e ka parë me të dashurin e ri në metro.
Kënga në fakt bën fjalë për një djalë i cili është i droguar në metro dhe bisedon me të dashurën e dikujt tjetër, para tij.
Ndërkohë, një vajzë nga Kosova me emrin Gane, falënderon ambasadorin dhe shkruan se kënga në fakt i dedikohet asaj. Epo kush nuk do të donte të ishte vajza e bukur që do t’i këndonte James Blunt!
