Nuk ishte diçka kalimtare! Mesa duket Justin Bieber dhe Hailey Baldwin vijojnë të jenë bashkë dhe e kanë shumë seriozisht. Këngëtari 24-vjeçar dhe modelja, janë të pandashëm dhe fotografohen kudo në praninë e njëri-tjetrit në Los Angeles.
Së fundmi, modelja ka qëndruar pranë këngëtarit të hitit “Sorry”, në xhirimet e këngës së tij më të re në bashkëpunim me Dj Khaled. Ky i fundit publikoi një foto me Justin Bieber në profilin e tij në “Instagram” ku njoftonte se diçka tejet sekrete po gatuhej për fansat.
Mirëpo le të kthehemi tek pëllumbat e dashuruar. Në fotot e publikuara ditën e sotme, Bieber shfaqet duke mbajtur në krahë 21-vjeçaren. Burime për “Enews” tregojnë se ata janë shumë të dashuruar dhe flirtojnë tërë kohës me njëri-tjetrin.
“Hailey gjithmonë ka pasur një pëlqim për Justin dhe kishte dëshirë të ishte me të. Jam shumë e sigurtë që ajo kërkon një lidhje serioze. Fati deshi që të dy ishin vetëm në këtë kohë. Ata kanë shumë të përbashkëta, pasi të dy janë shumë të lidhur me kishën” – tregoi burimi për “Enews”.
