Së fundmi administrata e presidentit Donald Trump ka ndëmarrë një fushatë dëbimi të emigrantëve duke i ndarë ata nga fëmijët. Ndërkohë që prindërit dëbohen, fëmijët grumbullohen në streha aspak të përshtatshme deri sa të gjendet dikush që t’i birësojë.
Spikerja e lajmeve në “MSNBC”, Rachel Maddow teksa ka qenë duke raportuar lajmin për fëmijët e emigrantëve që po strehohen në disa kafaze në Teksas, nuk ka mundur t’i mbajë dot lotët dhe ka shpërthyer në të qara.
Në momentin që ishte duke lexuar një raport nga “Associated Press” ajo ka shpërthyer në lot.
“Kjo sapo ka dalë në Associated Press”, – tha Rachel. “Kjo është e pabesueshme. Administrata e Trump ka marrë fëmijët dhe të rinjtë…”
“Më falni, por kaq për sonte! Shihemi sërish nesër mbrëma” ,- ka përfunduar Maddow duke ia lënë vendin kolegut.
Rachel pas këtij incidenti ka bërë një status në profilin e saj në Twitter, ku ka kërkuar falje për gjendjen e saj duke sqaruar se nuk e kishte fare për qëllim që ajo gjë të ndodhte.
