Pavarësisht se është në muajin e 7 të shtatzënisë, kjo nuk e ndalon Ajola Xoxën që të vijon punën dhe pasionin e saj për regjinë.
Bashkëshortja e kryetarit të Bashkisë, Erion Veliajt, bëri me dije sot se po punon për videon e një tjetër kënge të Noizy-t.
Javën e kaluar Ajola tregoi se iu deshën reth 12 orë punë dhe xhirime me Alban Skënderajn dhe Noizy-n, për të realizuar klipin e bashkëpunimit të tyre më të fundit, “Drejt suksesit”.
Ajola ishte ideatorja e klipit që përcolli mesazhin se, gjithkush që angazhohet dhe punon merr atë që meriton.
Tashmë Noizy ka kërkuar sërish talentin e Xoxës për të realizuar klipin e këngës së tij me reperin italian, Ghali.
“Projekti i një video të re vjen së shpejti me Noizy-n dhe Ghali. Qëndroni gati”, shkruan Ajola, krah fotos që zbulon një pjesë të videoklipit.
Ndërsa nuk dihet asnjë detaj për këngën e re, duke nisur nga titulli apo mesazhi që mbart, në foto dallojmë një vajzë të veshur me fustan rozë të mbyllur në një kafaz gjigand.
Reperi italian ndodhet në Shqipëri nga dita e djeshme për bashkëpunimin me Noizy-n, ndërsa ne jemi në pritje për të parë hitin e radhës së verës.
