Aktori turk Burak Ozçivit i njohur nga shqiptarët me rolin e Kemalit është një ndër meshkujt më të pëlqyer dhe më të ndjekur nga femrat. Mirëpo me sa duket ai nuk adhurohet vetëm nga femrat, por edhe nga meshkujt.
Së fundmi këngëtari i njohur turk, Kusum Aydin ka thënë se do t’iu nënshtrohet operacioneve plastike për t’i ngjarë sa më shumë Kemalit. Ai ka pranuar për herë të parë se përdor “photoshop” në fotot që publikon në rrjetet sociale.
“E pranoj që e përdor ‘photoshop’-in, përndryshe nuk mund të ngjaj i bukur. Do të kryej disa operacione plastike. Do shkoj tek doktori me një foto të Burak Ozçivit dhe do t’i them të më bëjë si ai”, është shprehur Kusum Aydin.
Këngëtari turk me siguri që ka kryer edhe më parë operacione plastike pasi ka një ndryshim të madh në pamjen e tij nëse shikojmë fotot e tij të mëparshme.
