Parlamenti kanadez miratoi një ligj që legalizon përdorimin e marijuanës në mbarë vendin. Projekt-ligji kontrollon mënyrën se si mund të kultivohet, shpërndahet dhe të shitet droga.
Kanadezët do të jenë në gjendje të blejnë dhe të konsumojnë legalisht kanabis në fillim të këtij shtatori. Kanadaja është vendi i dytë në mbarë botën që legalizon përdorimin vetjak të drogës.
Uruguai u bë vendi i parë që legalizoi shitjen e kanabisit në dhjetor të vitit 2013, ndërkohë që një numër shtetesh amerikane kanë votuar gjithashtu për ta lejuar atë.
Mbajtja e kanabisit fillimisht u cilësua si krim në Kanada në vitin 1923, por përdorimi mjekësor u bë ligjor që nga viti 2001.
Kryeministri Justin Trudeau shkroi në “Twitter”: “Ka qenë shumë e lehtë për fëmijët tanë të merrnin marijuanë dhe për kriminelët që të korrnin fitimet. Sot (dje) e ndryshuam atë. Plani ynë për të legalizuar dhe rregulluar përdorimin e marijuanës sapo kaloi në Senat”.
Në vitin 2015-n, kanadezët vlerësohet se kishin shpenzuar rreth 6 miliardë dollarë për kanabis sativa, pothuajse aq sa shpenzonin edhe për verën.
Burimi: BBC
