Fjoralba Ponari është moderatorja më e re e emisionit “Top Arena”, e cila shfaqet çdo mbrëmje në krah të moderatorit Edi Manushi, në programin që i dedikohet Kampionatit Botëror të Futbollit.
Mirëpo si ndjehet Fjoralba kur e krahasojnë me paraardhësen e saj, moderatoren Marina Vjollca, e cila është zhvendosur tashmë pranë televizionit “Klan”? Në një intervistë për “Pop Culture”, Fjoralba është shprehur se kjo gjë nuk i pëlqen aspak, pasi nuk ka asgjë të përbashkët mes tyre.
“Nuk më pëlqen që më krahasojnë me Marinën, nuk kemi asgjë të përbashkët. E vetmja gjë e përbashkët është në lidhje me Manushin, kimia që të dyja çiftet kanë në ekran. Domethënë vendi ishte vakant unë nuk zëvendësova asnjë njëri”- u shpreh e prerë Fjoralba Ponari në intervistën me Dojna Memën.
