Një skenë e realizuar 19 vite më parë frymëzoi shumë nga të famshmet përgjatë kësaj periudhe kohe, për të vijuar deri në ditët e sotme. Momenti kur aktorja Mena Suvari, e cila luan rolin e adoleshentes Angela, në filmin e mirënjohur “American Beauty” mbulohet nga petalet e trëndafilave është një nga skenat e fiksuar thellësisht në memorien tonë.
Disa nga të famshmet shqiptare dhe të huaja e kanë provuar në stilin e tyre ta risjellin. Së fundmi ishte Roza Lati, e cila pozoi në të njëjtën mënyrë, për ditëlindjen.
Roza Lati
Në 30-vjetorin e saj, Roza Lati (emri i së cilës ka kuptimin e trëndafilit në gjuhën angleze) vendosi t’i bëjë vetes një dhuratë: një set fotografik shumë sensual. Duke pozuar pa asnjë veshje, moderatorja shqiptare mbulon pjesët intime vetëm me petalet e trëndafilave.
Ajo shfaq anën e saj sensuale dhe detajet që tërheqin më tepër vëmendjen janë tatuazhet, ai i kalit në pjesën e kofshës dhe yjet që përshkojnë fundin e këmbës.
Bleona Qereti
Këngëtarja shqiptare provokon shpesh me zhveshjen e saj dhe trëndafili është një nga mënyrat që ka zgjedhur të mbulojë herë pas here pjesët intime. Fillimisht në shkurt të 2017-s ajo pozoi duke mbuluar organin gjenital vetëm me një trëndafil të kuq.
Më pas për këtë foto, Bleona akuzoi modelen Cara Delevingne, se i kishte kopjuar idenë.
Në mars të 2017-s, Bleona postoi disa foto, bashkimi i të cilave jepte këtë rezultat:
E shtrirë në vaskën e mbuluar me petale, këngëtarja nuk tregon shumë nga fiziku i saj, por sërish fotoja është shumë provokuese.
Fjolla Morina
Edhe këngëtarja ka zgjedhur kombinimin mes vaskës dhe trëndafilave. Fjolla Morina postoi një foto sensuale në 14 shkurtin e një viti më parë, e shtirë në vaskë dhe e mbuluar me petalet e trëndafilave të bardhë dhe të kuqe.
Klaudia Pepa
Së fundmi balerina shqiptare nuk di të ndalë me provokimet. Nuk është e çuditshme më të shikoni foto nudo të postuara prej saj, por ky postim i saj në tetor të 2017-s tërhoqi mjaftueshëm vëmendjen.
Çiljeta Xhilaga
Në 2012-n, Çiljeta Xhilaga theu barrierat pasi pozoi thuajse nudo, për të treguar barkun e rrumbullakosur. Këngëtarja kishte zgjedhur që t’i mbulonte pjesët intime vetëm përmes disa trëndafilave.
