Keqkuptimet dhe zënkat e vazhdueshme çuan çiftin e famshëm drejt divorcit. Futbollisti italian, Alessandro Del Piero dhe bashkëshortja e tij, Sonia Amoruso, i dhanë fund martesës 19-vjeçare.
Prej kohësh dyshja nuk ishte parë bashkë dhe tashmë ndarja e tyre është përfundimtare sipas mediave italiane. Fillimisht ishin “TgCom” dhe “Chi” dy mediat që zbuluan për divorcin e çiftit.
Historia e tyre e dashurisë cilësohej si përrallash, por nuk ka arritur që t’i rezistojë kohës. Prej kohësh çifti me 3 fëmijët jetonte në Los Angeles, pasi ish-kampioni i Juventus-it ishte kthyer nga jeta në Australi dhe Indi.
Kur çifti kthehej në Itali, Del Piero qëndronte në Milano, ndërsa Sonia në Torino.
Del Piero dhe Sonia Amoruso (motra e ish-sulmuesit të Juventus-it dhe Parma-s, Nicola) nuk kanë publikuar një fotografi së bashku 2 vitet e fundit dhe nuk janë shfaqur si çift në asnjë event publik gjatë kësaj periudhe.
